Avropa Liqası: meydan sahiblərinin zəfər günü – NƏTİCƏLƏR
Avropa Liqasında 1/4 final mərhələsinin oyunlarına start verilib.
1news.az-ın məlumatına görə, mərhələnin ilk oyunları çərçivəsində keçirilən 4 qarşılaşmanın hamısında meydan sahibləri qələbə qazanıblar.
Ən böyükhesablı qələbəyə “Arsenal” imza atıb. Belə ki, Rusiya MOİK-ini qəbul edən İngiltərə klubu rəqibinin qapısından dörd top keçirib. Qonaqlar bu toplardan yalnız birinə cavab verə biliblər.
“Latsio” klubu da qələbəni 4 qolla qazanıb. İtaliya təmsilçisi Avstriya “Zalsburq”undan güclü olub – 4:2.
Günün digər qarşılaşmalarında “Atletiko” “Sportinq”dən, “Leyptsiq” isə “Marsel”dən güclü olub.
Avropa Liqası
1/4 final (ilk oyunlar)
5 aprel
“Arsenal” (İngiltərə) – MOİK (Rusiya) - 4:1
Qollar: Remsi, 9, 28, Lakazet, 23 (p.), 35 - Qolovin, 15
“Atletiko” (İspaniya) – “Sportinq” (Portuqaliya) - 2:0
Qollar: Koke, 1, Qrizman, 40
“Latsio” (İtaliya) – “Zalsburq” (Avstriya) - 4:2
Qollar: Luliç, 9, Parolo, 48, Andersen, 74, İmmobile, 76 - Berişa, 30 (p.), Minamino, 71
“Leyptsiq” (Almaniya) – “Marsel” (Fransa) - 1:0
Qol: Verner, 45
1news.az
