Nərgiz Cəlilova: İlham Əliyev ölkəmizdə stabillik və sakit həyatın təminatçısıdır
Azərbaycanda aprelin 11-də keçirilmiş seçkilərdə hazırki Prezident İlham Əliyev inanmlı qələbə qazandı.
İlham Əliyevə seçicilərin 86%-i, onun ən yaxın rəqibi Zahid Oruca isə 3% səs verdi.
İlham Əliyevin böyük səsçoxluğu toplayaraq rəqibələrini irəliləməsilə bağlı 1news.az müxtəlif sahənin nümayəndələrinə müraciət edib.
Azərbaycanın Əməkdar artisti, məşhur aparıcı Nərgiz Cəlilovanın bununla bağlı fikirlərini dərc edirik:
“İlham Əliyev “Yeni Azərbaycanı” yaratmış ümummilli lider Heydər Əliyevin siyasi kursunun davamçısıdır. Atasının siyasi kursu və ənənələri davam etdirməklə Prezidentimiz ölkəyə və xalqa həmin sevgini bəsləyib. Buna görə də Azərbaycan xalqı ona qarşı yüksək etiram göstərir”.
Bununla yanaşı, aparıcı bildirib ki, Azərbaycanın kiçik ölkə olması nəzərə alınaraq prezident burada elə siyasət yürütməlidir ki, iri və güclü dövlətlərlə ciddi müaqişələrin qarşısı alınsın, vətəndaşlar sakit həyatla təmin edilsin:
“İlham Əliyevin uzaqgörən daxili və xarici siyasəti nəticəsində uzun illər ölkəmizi əhatə edən iri dövlətlər tərəfindən heç bir təhlükə ilə qarşılaşmırıq. Bu cür nəticəyə nail olmaq çox çətindir. Hazırda adi səhv addım ciddi fəsadlara yol aça bilər. Buna görə də düzgün strategiyanın qurulması istənilən dövlət başçısı üçün vacibdir.
Bütün Azərbaycan vətəndaşları ölkəmizin sürətli inkişafının şahididir. Bununla bağlı həmçinin beynəlxalq tədbirlərdə də danışılır. Bununla da Azərbaycan öz gücü göstərərək dünya arenasında daha çox tanınır. Belə ki, biz uzun illər Sovetlər Birliyində olmuş, müstəqillik qazanmış gənc ölkəyik.
Hazırki dövrdə isə ölkəmiz beynəlxalq ictimaiyyətə fəal surətdə qoşulur, çoxlu sayda beynəlxalq yarışlar, tədbirlər, seminarlar və müsabiqələr təşkil edirik. Və bütün bu inkişaf İlham Əliyevin ölkə başçısı olduğu müddətdə davam edəcək”.
N.Cəlilovanın sözlərinə görə, təkcə paytaxtda deyil, eləcə də regionlardakı yeni iş yerlərinin açılışı və infrastruktura nəzər yetirməklə Azərbaycanın inkişafı ilə bağlı fikir yürütmək olar:
“İstəyirəm ki, ölkəmiz daha da inkişaf etsin. Və görürəm ki, İlham Əliyev vətəndaşların layiqli həyat şəraiti üçün əlindən gələni edir. Bu da Prezidenti xalqa olan sevgisinin bariz nümunəsidir.
Həmçinin Azərbaycanın əsas məqsədlərindən biri tarixi torpaqlarımız Qarabağın azad edilməsidir. Ölkə rəhbərliyi ədalətin bərqərar olması üçün bir çox addımlar atır, demək olar ki, bütün beynəlxalq forumlardakı çıxışında İlham Əliyev Dağlıq Qarabağ münaqişəsi məsələsinə toxunur. Belə ki, bu məsələ ölkəmiz üçün çox vacibdir.
Əlbəttə ki, ölkə başçımızın düzgün siyasəti Azərbaycanın birinrinci vitse-prezidenti Mehriban Əliyevanın da siyasətinə müvafiqdir. Belə bir atalar sözü var: “Güc birlikdədir”. Əminliklə söyləyə bilərəm ki, İlham Əliyevlə həyat yoldaşının münasibəti bunun bariz nümunəsidir. Onlar ölkəmizi idarə edən vahid gücə çevrilərək, vətəndaşlara sabitlik və sakit həyatı təmin edir.
Dövlət televiziyasında çalıram və tez-tez dövlət tədbirlərində də çıxış edirəm. Təbbi ki, mənim səsim başadüşüləndir. Mən əsrdə bir dəfə doğulan, uzaqgörən siyasətçi – prezidentimiz İlham Əliyevə səs verdim”.
Tərcümə: S.Xankişiyeva
