ATV, Xəzər və ARB “Nestle” və “L’Oreal”ıməhsullarının reklamını dayandırır
Televiziya reklam bazarının strateji inkişafı, optimallaşdırılması, sabitləşdirilməsi və təkmilləşdirilməsi baxımından ATV, Xəzər və ARB telekanallarının birgə fəaliyyəti çərçivəsində əldə edilən növbəti ümumi razılığa əsasən, “Nestle” və “L’Oreal” brendlərinə daxil olan məhsulların reklamları 21 aprel tarixindən etibarən dayandırılır.
1news.az-a daxil olan məlumatda deyilir ki, birgə qərarın səbəbi - “ZenithOptimedia” reklam agentliyinin bu telekanallarının hər birində yayımlanmış reklamların ödənişini uzun müddət əsassız olaraq gecikdirməsidir.
Məsələ öz həllini tapana qədər qeyd edilən məhsulların reklamları bu üç yayımçının tele-və radio kanallarında dayandırılır.
Bildirmək istəyirik ki, “Nestle” və “L’Oreal” brendlərinin ölkə televiziyalarında reklamları “ZenithOptimedia” reklam agentliyi vasitəsi ilə yerləşdirilir.
1news.az
