Bir həftədə Bakıda 219 piyada cərimələnib | 1news.az | Xəbərlər
Cəmiyyət

Bir həftədə Bakıda 219 piyada cərimələnib

14:50 - 22 / 08 / 2018
Bir həftədə Bakıda 219 piyada cərimələnib

Ötən həftə Bakı şəhərində təyin olunmayan yerlərdən yolu keçən 219 piyada aşkarlanıb.

1news.az-ın Trend-ə istinadla verdiyi xəbərə görə, bu barədə Bakı Şəhər Baş Polis İdarəsinin Dövlət Yol Polisi İdarəsinin Yol hərəkətinin təhlükəsizliyinin təbliği və İctimai qurumlarla əlaqə bölməsinin rəisi, polis polkovniki Vaqif Əsədov deyib.

V.Əsədov bildirib ki, Bakıda yeraltı və yerüstü piyada keçidləri ətrafında yol polisi tərəfindən nəzarət gücləndirilib.

Bölmə rəisinin sözlərinə görə, piyadaların avtomobillərlə vurulması yol-nəqliyyat hadisələrində çoxluq təşkil edir ki, bu da çox ciddi narahatlıq doğurur:

“Bunun qarşısını almaq üçün yeraltı və yerüstü piyada keçidləri ətrafında yol polisi əməkdaşlarının sayı artırılıb və nəzarət gücləndirilib”.

S.Xankişiyeva

 

Paylaş:
497

Son xəbərlər

Bütün xəbərlər