Ağdam və Gədəbəy rayonlarına yeni icra başçıları təyin edilib

Prezident İlham Əliyev Vaqif Həsənovun Ağdam Rayon İcra Hakimiyyətinin başçısı təyin edilməsi haqqında sərəncam imzalayıb.

1news.az-ın dövlət başçısının rəsmi saytına istinadla verdiyi xəbərə görə, sərəncamda qeyd olunur ki, Vaqif Bəhram oğlu Həsənov Ağdam Rayon İcra Hakimiyyətinin başçısı təyin edilsin.

Bundan başqa, Prezident İlham Əliyev İbrahim Ənvər oğlu Mustafayevi Gədəbəy Rayon İcra Hakimiyyətinin başçısı təyin edib.

S.Xankişiyeva