"Paşinyanın hərəkətləri "bəzi geosiyasi oyunlar"la bağlı ola bilər"
Baş nazir Nikol Paşinyanın yaxın günlərdə istefa verəcəyi və dekabr ayında parlamet seçkilərinin keçiriləcəyinə dair qərarı əvvəlcədən planlaşdırılıb və spontan bir qərar deyil.
1news.az xəbər verir ki, bunu Ermənistan parlamentinin xarici əlaqələr üzrə komitəsinin sədri, Respublika Partiyasının sədr müavini Armen Aşotyan deyib.
Aşotyanın sözlərinə görə, Paşinyan bu barədə Vaqram Baqdasaryanla görüşdən sonra da bildirib, dünənki qanun layihəsinin qəbul edilməsi onun öz siyasi proqramlarının həyata keçirilməsini sürətləndirmək üçün bir bəhanə idi.
Respublikaçı deputat əlavə edib ki, əgər problem baş nazirin və onun komandasının parlamentdə yerlərin 3/2-ni əldə etməkdirsə, bu, başqa məsələdir:
"Mənim üçün bir səbəb var - Nikol Paşinyan mümkün qədər tez parlamentdə əksəriyyətə sahib olmaq istəyir və bir narahatlıq, versiya da var, Allah eləməsin ki, bütün bunlar hansısa geosiyasi oyunlar çərçivəsində baş versin".
P.Sultanova
