Bacısı ilə görüşən oğlanı küçənin ortasında bıçaqladı – VİDEO

Türkiyənin Antalya şəhərində bıçaqlanma hadisəsi baş verib.

1news.az-ın Sfera.az-a istinadən verdiyi xəbərə görə, gecə saatlarında Eren K. adlı şəxs bacısıyla görüşən gənc oğlan M.A ilə mübahisə edib. Bu zaman onlar arasındakı mübahisə münaqişəyə çevrilib. Qızın qardaşı gəncin üzərinə şığıyaraq onu yerə yıxıb. Ardınca üstündəki bıçağı çıxararaq M.A-ya zərbə endirib.

Hadisə baş verən ərazidə yaxınlıqda olan bir nəfər onları ayırmağa müvəffəq olub. O, davaya müdaxilə edərək Eren K.-nı fikrindən daşındırıb. Daha sonra təcili yardıma zəng vurulub.

Bıçaqlanma baş verən ünvanda quraşdırılan müşahidə kamerası vasitəsilə hadisəni törədən saxlanılıb.

1news.az