17 yaşlı qız yer üzündəki ən dəhşətli xəstəliklə mübarizə aparır - FOTO
ABŞ-ın Yuta əyalətində yaşayan Aleksandra adlı qız 5 ildir ki, heç bilinməyən bir xəstəliklə mübarizə aparır.
1news.az-ın Metbuat.az-a istinadən verdiyi xəbərə görə, Aleksandra ilk dəfə 12 yaşında olarkən alergiyası olduğunu öyrənib. Ailəsi ilə tətilə gedən qız hovuza girdikdə qaşınmağa başlayıb və bədənin hər tərəfində şişkinlik və qızartılar yaranıb. Ailəsi ilk olaraq Aleksandranın xlora qarşı allergiyası olduğunu düşünüb.
İlk zamanlarda qızın bu vəziyyətinə çox əhəmiyyət verməyiblər. Daha sonra Aleksandranın xlora qarşı deyil suya qarşı allergiyası olduğu öyrənilib. Gənc qız normal insanlar kimi duş qəbul edə, hovuza və dənizə girə bilmir.
Duş qəbul etdikdə bədənində şiddətli qaşıntılar və qızartılar yaranır. Aleksandra təkcə su içərkən çətinlik çəkmədiyini bildirib.
Dünyada sadəcə 40-50 nəfər suya allergiyadan əziyyət çəkir. Bu xəstəlik ölümcül olmasa da müalicəsi yoxdur.
1news.az
