“Fanat” atanın videosu milyonları hiddətləndirdi – VİDEO
Kiçik oğlu qapıda durmuş ata övladının qolkiperliyindən narazı idi. Rəqib komandadakı uşaqlar hücuma keçəndə o, balaca oğlunun ləng tərpəndiyini görür və uşağı itələyib yıxır.
1news.az-ın məlumatına görə, Milli.az European-a istinadən bildirir ki, top balaca qapıya dəyib qayıdır, amma rəqib oyunçu cəld tərpənərək topu təkrarən qapıya yönəldir.
Olay Uelsdə, 8 yaşına çatmamış uşaqlardan ibarət "Bow Street Magpies FC" və "Ysgol Llanilar FC" komandaları arasındakı oyunda çəkilib.
Kris Uilkins videonu Twitter-dəki akkauntunda paylaşandan sonra görüntülərə milyonlarla insan baxıb. Və baxanların tam əksəriyyəti "fanat" atanın yaramaz, hətta qəddar hərəkətini sərt tənqid edib.
Çoxsaylı şikayətləri qulaqardına vura bilməyən polis araşdırmaya başlayıb.
1news.az
