ATƏT/ DTİHB Ermənistanda genişmiqyaslı müşahidə aparacaq

ATƏT-in Demokratik Təsisatlar və İnsan Haqları Bürosu(DTİHB)  Ermənistanda dekabrın 9-da keçiriləcək erkən parlament seçkiləri ilə bağlı genişmiqyaslı müşahidə missiyası aparmağı planlaşdırır.

1news.az erməni mətbuatına istinadla xəbər verir ki, bu barədə  qurumun əsas müşahidə missiyasının  Ermənistan Mərkəzi Seçki Komissiyasının sədri Tiqran Mukuçyanla ğörüşündə bildirilib.

ATƏT/ DTİHB müşahidə missiyasının rəhbəri, səfir Ursula Qaçek qeyd edib ki, seçki günü prosesləri missiyanın əsas heyəti (13 üzv), onlarla uzunmüddətli və iki yüzdən artıq qısa müddətli müşahidəçi  izləyəcək.

O, həmçinin ATƏT PA və AŞPA müşahidəçilərinin müşahidə missiyasına daxil olacağını bildirib.

P.Sultanova