Gürcüstanın yeni prezidentinin andiçmə mərasiminin vaxtı açıqlanıb

Gürcüstan Konstitusiyasının 72-ci maddəsinə əsasən, yeni seçilmiş prezident seçkidən sonra üçüncü həftənin bazar günü and içərək vəzifəsinin icrasına başlamalıdır.

Bu barədə 1news.az Gürcüstan KİV-lərinə istinadən xəbər verir.

Nəzərinizə çatdıraq ki, Gürcüstanda keçirilmiş prezident seçkilərinin nəticəsinə görə, müstəqil namizəd Salome Zurabişvili qalib gəlib. Seçicilərin 59,54 faizi ona səs verib. Onun əsas rəqibi, müxalifətin namizədi olan Qriqol Vaşadze isə 40,46 faiz səs toplayıb.

Qeyd edək ki, keçmiş prezident Mixail Saakaşvili isə seçkilərin nəticələrinin qeyri-legitim olduğunu bildirərək əhalini növbədənkənar parlament seçkilərinin keçirilməsi tələbi ilə etiraz aksiyalarına başlamağa çağırıb.

1news.az