Şahnazaryan: KTMT baş katibi vəzifəsi ilə bağlı hakimiyyətin bütün vədləri yalan idi

KTMT-nin sabiq baş katibi Yuri Xaçaturova qarşı elan edilmiş ittihamlar növbəti bir siyasi addımdır.

1news.az erməni mətbuatına istinadla xəbər verir ki, bunu Ermənistanın Milli Təhlükəsizlik Xidmətinin keçmiş direktoru, Respublika Partiyasının deputatlığa namizədi David Şahnazaryan deyib.

“Hakimiyyətin bu vəzifənin Ermənistanla qalacağına dair bütün vədləri yalan idi, çünki bu məsələnin müzakirəsinin təxirə salınmasına dair sonuncu bəyanat onu göstərir ki, Xaçaturovu bu vəzifədə Belarus nümayəndəsinin, yaxud hazırkı fəaliyyətdə olan baş katibi və ya  digər şəxsin əvəz edəcəyinə dair razılaşma yoxdur", Şahnazaryan deyib.

Minsk qrupunun Dağlıq Qarabağ münaqişəsinin nizamlanmasına dair fəaliyyətinə gəlincə, o bildirib ki,  dörd günlük aprel müharibədən sonra masada Vyana, Sankt-Peterburq və Cenevrədə təmas xəttində gərginliyin azaldılması üzrə razılaşmalar olub:

“Həmsədrlər iyunun 13-də Yerevana səfərdən sonra öz bəyanatlarında bu barədə heç nə demədilər. Gündəlikdəki belə bir itki son dərəcə ciddidir və mənim fikrimcə, bu, erməni tərəfi üçün geri qaytarılması mümkün olmayan bir itkidir”.

P.Sultanova