Paşinyanın mətbuat xidməti Putinin köməkçisinin bəyanatını təkzib etdi
Ermənistan hökumətinin mətbuat xidməti Rusiya prezidentinin köməkçisi Yuri Uşakovun Sankt-Peterburqda dekabrın 6-da keçiriləcək KTMT sammitinin təxirə salınması ilə bağlı bəyanatını təkzib edib.
1news.az erməni mətbuatına istinadla xəbər verir ki, baş nazir vəzifəsini icra edən Nikol Paşinyanın mətbuat Arman Eqoyan Ermənistanın KTMT dövlət başçılarının sammitini təxirə salmağı təklif etmədiyini bildirib.
"Hər şey baş nazir vəzifəsini icra edən şəxsin daha əvvəl jurnalistlərə verdiyi açıqlamada olduğu kimidir”, deyə o, bildirib.
Qeyd edək ki, Paşinyan 2 dekabrda bildirib ki, prezident Putinlə telefon danışığı zamanı Rusiya prezidenti hazırkı vəziyyətdə KTMT sammitini təxirə salmağı, işçi qrupların müzakirələri davam etdirməsini təklif edib.
Paşinyan bu məsələləri işçi qaydasında həll edilməli olduğunu doğru hesab edərək, təkliflə razılaşdığını deyib.
Uşakov isə jurnalistlərə bildirib ki, Sankt-Peterburqda KTMT sammiti qarşıdan gələn seçkilər nəzərə alınaraq Ermənistan tərəfinin xahişi ilə ləğv olunub.
P.Sultanova
