Paşinyanın bloku parlametin rəhbər vəzifələrinə namizədləri təsdiqləyib
"Mənim addımım" bloku Ermənistan parlamentinin spikeri vəzifəsinə Ararat Mirzoyanın namizədliyini irəli sürəcək.
1news.az erməni mətbuatına istinadla xəbər verir ki, bu barədə müvafiq qərar "Mənim addımım" blokunun iclası zamanı qəbul edilib.
Vitse-spiker vəzifələrinə isə Lena Nazaryanın və Alena Simonyan namizədliyi təsdiqlənib.
"Baş nazir namizədləri təklif etdi, biz onları müzakirə etdik, suallar verdik və cavablar aldıq, səsvermə keçirərək namizədləri təsdiqlədik", - Simonyan deyib.
Mədəniyyət naziri vəzifəsini icra edən Lilit Makuntsyanın namizədliyi “Mənim addımım” blokunun parlamentdə fraksiya rəhbəri olaraq təsdiqləndi. Fraksiyanın katibi isə Hakob Simidyan təyin olunacaq.
A.Simonyan daimi parlament komissiyalarının rəhbərləri ilə bağlı məsələnin də müzakirə olunduğunu deyib, amma adları açıqlamayıb. Onun sözlərinə görə, İdarə Heyətinin üzvləri yekdilliklə səs veriblər, yalnız bir nəfər bitərəf qalıb. Hökumətin üzvləri ilə bağlı məsələ isə hələ tam olaraq yekunlaşmayıb.
Xatırladaq ki, bir neçə gün əvvəl erməni mətbuatı parlament komissiyalarının sədri vəzifəsinə təyinat məsələsinin Paşinyanın partiyasında ciddi narazılıq yaratdığını yazıb.
P.Sultanova
