Koçaryanın tərəfdarları Moskvada mitinq keçirməyə hazırlaşırlar

Ermənistanın Rusiyadakı səfirliyi həbs edilmiş sabiq prezident Robert Koçaryanın tərəfdarlarının Moskvada mitinq keçirmək planları ilə əlaqədar bəyanatla çıxış edib.

1news.az erməni mətbuatına istinadla xəbər verir ki, səfirlik Ermənistan vətəndaşlarını Rusiya qanunvericiliyinin tələblərinə riayət etməyə və Moskvada icazəsiz hərəkətlərdən çəkinməyə çağırıb.

Daha əvvəl mediada məlumatlar var ki, dekabrın 22-də həbs edilmiş keçmiş prezident Robert Koçaryanın tərəfdarları Moskvada Ermənistan səfirliyi qarşısında mitinq keçirmək niyyətindədirlər.

"Son günlərdə sosial şəbəkələrdə 22 dekabr 2018-ci ildə Moskvada səfirliyin qarşısında mitinq keçiriləcəyinə dair məlumatlar yayılıb. Bununla əlaqədar olaraq, xatırladırıq ki, Rusiya qanunlarına əsasən, ictimai tədbirlər (toplantı, mitinq, nümayiş, yürüş və ya piket şəklində hərəkətlər) müəyyən edilmiş qaydada və ictimai asayişin pozulmaması, digər təşkilati şərtlər nəzərə alınaraq həyata keçirilir.

Səfirlik diplomatik missiyanın ərazisindən kənarda baş verən hərəkətlərə görə məsuliyyət daşımır", deyə - İrəvanın Moskvadakı səfirliyi bəyan edib.

Qeyd edək ki, aprelin 7-də Ermənistan Apellyasiya məhkəməsi ikinci prezident Robert Koçaryanın həbsdə saxlanması ilə bağlı birinci instansiya məhkəməsinin qərarını qüvvədə saxlayıb.

Bu qərara əsasən, həmin gün axşam Koçaryan həbs edilib.

O, 2008-ci ilin mart ayında ölkədə konstitusiya quruluşunu dəyişməkdə ittiham olunur.

P.Sultanova