Maqnitoqorskda baş verən partlayışda ölənlərin sayı artıb - YENİLƏNİB
Rusiyanın Maqnitoqorsk şəhərində yaşayış binasında baş vermiş partlayış nəticəsində ölənlərin sayı 18 nəfərə çatıb.
1news.az xəbər verir ki, Rusiya Fövqəladə Hallar Nazirliyinin məlumatına görə, onlardan 2-i uşaqdır. Dağıntılar arasından son olaraq 3 yaşlı uşağın meyiti çıxardılıb.
Binanın dağıntıları arasında hələ də 20-dən çox insanın qaldığı deyilir.
1news.az
12:44
Rusiyanın Maqnitoqorsk şəhərində yaşayış binasında qaz sızması nəticəsində baş verən partlayış və onun təsirindən binanın giriş hissəsinin uçması nəticəsində ölənlərin sayı 11-ə çatıb.
1news.az TASS-a istinadla xəbər verir ki, dağıntılar altında 30 nəfərin qaldığı bildirilir. Onların sağ qalıb-qalmaması məlum deyil.
agentliyinə istinadla xəbər verir ki, bu barədə Rusiya Fövqəladə Hallar Nazirliyinin əməkdaşı jurnalistlərə açıqlamasında məlumat verib. O, ölənlərdən birinin azyaşlı olduğunu bildirib.
Hazırda hadisə yerində 900 xilasedici və 220-yə yaxın texnika fəaliyyət göstərir.
Xatırladaq ki, dekabrın 31-də yerli vaxtla saat 04 radələrində Maqnitoqorsk şəhərində 48 mənzilli onmərtəbəli yaşayış binasında qaz sızması nəticəsində partlayış baş verib.
1news.az
