Ermənistan ordusunun 80-ə yaxın əsgəri hospitala yerləşdirilib

Ermənistan tərəfindən işğal edilmiş Azərbaycan ərazilərindəki erməni hərbçilər qışın gəlməsi ilə əlaqədar çətin günlər yaşayırlar.

1news.az erməni mətbuatına istinadla xəbər verir ki, son bir neçə gündə soyuqdəymə və yüksək hərarət diaqnozu ilə 79 hərbçi Ağdərədəki hospitala yerləşdirilib.

Komandirlər və tibb xidməti rəisləri xəstəliklərin yayılmasının qarşısını almağa çalışsalar da, dərman preparatlarının və tibbi ləvazimatların çatışmaması səbəbindən profilaktik tədbirlər görmək mümkün olmur.

Faktla bağlı araşdırma aparılır.

1news.az