Nikol Paşinyan baş nazir vəzifəsinə təsdiqlənib

Nikol Paşinyan yenidən Ermənistanın baş naziri olub.

1news.az erməni mətbuatına istinadla xəbər verir ki,  prezident Armen Sarkisyan bununla bağlı fərman imzalayıb.

"Ermənistan konstitusiyasının 149-cu maddəsinin 1-ci bəndini əsas götürərək, Nikol Paşinyanı Ermənistanın baş naziri təyin edilsin", - prezidentin fərmanında deyilir.

Qeyd edək ki, bu gün ötən il dekabrın 9-da keçirilmiş erkən seçkilərdən sonra Ermənistan parlamentin ilk iclası keçirilib.

Qanunvericiliyə əsasən, N.Paşinyan 15 gün ərzində yeni hökuməti formalaşdırmalı və hökumət proqramını parlamentə təqdim etməlidir.

P.Sultanova