"Sasna Tsrer"in üzvü dövlətdən təzminat tələb edəcək
Ermənistanın Kassasiya Məhkəməsi “Sasna Tsrer” qrupunun üzvü Vardan Qeravetyanın lehinə qərar verib.
1news.az erməni mətbuatına istinadla xəbər verir ki, bu barədə Qeravetyanın vəkili David Qyurcan məlumat verib.
Vəkilin sözlərinə görə, məhkəmə şəxsi azadlıq və ədalətli məhkəmə araşdırması hüququnun pozulduğunu etiraf edib.
Həmçinin, məhkəmə bəyan edib ki, ən azından 2017-ci ilin oktyabrından azadlığa çıxanadək Qeravetyan qanunsuz qərar əsasında öz azadlığından məhrum edilib.
Vəkilin sözlərinə görə, dövlətdən təzminata görə kompensasiya tələb etmək imkanı müzakirə olunur.
Xatırladaq ki, Vardan Qeravetyan Ermənistanda polis bölməsinin ələ keçirilməsi, girov götürülmə, qeyri-qanunu silah daşıma, böyük miqyasda mənimsəmədə iştirak etməkdə ittiham olunub. Hazırda Qeravetyan həbs qətimkan tədbirinin dəyişdirilməsi ilə bağlı azadlıqdadır.
P.Sultanova
