İlham Əliyevlə görüşdən əvvəl Paşinyanın telefonda kimlə danışdığı məlum olub - VİDEO

Ermənistanın baş naziri Nikol Paşinyan Davosda Azərbaycan prezidenti İlham Əliyevlə görüşdən əvvəl sabiq prezident Levon Ter-Petrosyanla danışıb.

1news.az xəbər verir ki, bu barədə Ermənistanın “Past” nəşri yazıb.

Nəşrin məlumatına görə, iki ölkə liderlərinin Davos görüşü təsadüfən olmayıb.

Onların görüşü ATƏT-in Minsk qrupu həmsədrlərinin İqor Popov (Rusiya), Stefan Viskonti (Fransa) və Endryu Şoferin (ABŞ) vasitəçiliyi ilə Ermənistanın və Azərbaycanın xarici işlər nazirlərinin Parisdəki dörd saatlıq görüşündə müzakirə edilib və planlaşdırılıb.

Qəzet, həmçinin yazıb ki,  Paşinyan Davos görüşündən əvvəl Ermənistanın ilk prezidenti Petrosyana zəng edib və onunla məsləhətləşib.

Xatırladaq ki, yanvarın 22-də İsveçrənin Davos şəhərində Azərbaycan Prezidenti İlham Əliyevlə Ermənistanın baş naziri Nikol Paşinyan arasında bir saat yarımlıq qeyri-rəsmi görüş keçirilib.

Görüşlə bağlı yayılmış ilkin kadrlarda Paşinyanın telefonla danışdığı əks olunub.

P.Sultanova