Paşinyandan deputatlara "danışma" qadağası
Ermənistanın baş naziri Nikol Paşinyan komandasının üzvlərinə daha az danışmağı tapşırıb.
1news.az xəbər verir ki, bu barədə Ermənistanın “Past” nəşri yazıb.
Nəşrin məlumatında deyilir ki, yeni hökumət komandası üzvlərinin əhəmiyyətli bir hissəsinin susmasının daha yaxşı olması komandanın özünün daxilində də etiraf olunur.
Artıq ötən qısa müddət göstərir ki, xüsusilə deputatların bir hissəsi ictimai çıxışları və müsahibələri ilə hökumətə, baş nazir Nikol Paşinyana bütün müxalifətdən daha çox problem yaradır.
"Çoxları razılaşır ki, burada söhbət təcrübə çatışmazlığından gedir ki, zamanla yəqin ki, bu aradan qaldırılacaq. Buna qədər isə Paşinyan deputatlara müsahibə verməyi məhdudlaşdırmağı tapşırıb.
Paşinyan xarici siyasətdə səhvə yol verməmək üçün beynəlxalq nümayəndə heyətlərinin tərkibinə daxil olan "Mənim addımım" fraksiyasından olan deputatlara ümumiyyətlə, müsahibə verməyi qadağan edib" - deyə "Past" yazıb.
P.Sultanova
