Paşinyanın korteji yol hərəkəti qaydalarını pozdu: insanlardan kəskin reaksiya - VİDEO

Sosial şəbəkələrdə Ermənistanın baş naziri Nikol Paşinyanın kortejinin yol hərəkəti qaydalarını necə kobud şəkildə pozmasına dair video yayılıb.

1news.az erməni mətbuatına istinadla xəbər verir ki, bu video sosial şəbəkə istifadəçiləri arasında ajiotaj və narazılıq yaradıb.

“Bu hələ çiçəklərdir, qalan hər şey öndədir, "Cərimələyin”, "Bu ölkə respublikaya çevrilməyəcək", "Serjin dövründəki  eyni vəziyyət”, "Artıq olar, çünki o, artıq öyrənib”, "O, baş nazirdir və nümunəvi xidmət etməlidir. Bu, sadə qaydalardır, amma özü hamını öyrədir”, "Əgər hər kəs qanun qarşısında bərabərdirsə, onda cərimələyin”, "Nikol nə etməsindən asılı olmayaraq, haqlıdır”.

Sosial şəbəkə istifadəçiləri bu məzmunda şərhlər yazaraq hadisəyə reaksiya veriblər.Bir çoxları isə Paşinyanın salonda olmadığını yazıblar.

Baş nazirin mətbuat katibi Vladimir Karapetyan məsələyə aydınlıq gətirib. Onun sözlərinə görə, Paşinyan həmin vaxt həqiqətən də avtomobilin içində olmayıb. Baş nazir korteji buraxaraq küçədə piyada gedib. Təhlükəsizlik nəzərə alınaraq, kortej dərhal onun istiqamətinə çevrilib  və buna görə də yol qaydaları pozulub.

Karapetyan qeyd edib ki, qanun belə fövqəladə hallarda tədbirlər müəyyənləşdirir.

P.Sultanova