"Milli razılaşma": Paşinyan üç dəfə dövlət çevrilişinə cəhd edib
Nikol Paşinyan üç dəfə dövlət çevrilişinə cəhd edib.
1news.az erməni mətbuatına istinadla xəbər verir ki, bu barədə "Milli razılaşma " partiyasının rəhbəri Aram Arutyunyan bildirib.
Onun sözlərinə görə, ilk cəhd 2008-ci il martın 1-də, ikincisi may ayında, üçüncüsü isə 2018-ci il oktyabrın 2-də baş verib.
"Martın 1-nə planlaşdırılan yürüş Nikol Paşinyanın şou üçün digər resursları olmadığına görə, düşən siyasi reytinqin bir qədər artırılmasına yönəlib. Üstəlik, əgər belə davam edərsə, parlament çoxluğu ictimai təzyiq altında ona etimadsızlıq göstərə bilər”, deyə Arutyunyan əlavə edib.
O vurğulayıb ki, əvvəllər Paşinyan xalqa "mən sizin xidmətçinizəm” deyirdi, indi verdiyi bəyanatlara məsuliyyətdən qaçmağa çalışır.
Martın 1-də baş verən faciəli hadisələrə toxunan partiya sədri deyib ki, nəyə görəsə daxili qoşunların komandanlığından heç kim məsuliyyətə cəlb olunmur, baxmayaraq ki, hər kəs onların hadisələrə görə siyasi məsuliyyət daşıdıqlarını bilir.
"Levon Ter-Petrosyanın Nikol Paşinyanın siyasi "xaç atası"olduğunu inkar etməsi onu 1 mart hadisəsində məsuliyyətdən azad etmir. Levon Ter-Petrosyan və Nikol Paşinyanı həmçinin Qarabağ məsələsi bağlayır. Biz “Müharibə və ya sülh" adlı məqaləni yazan Levon Ter-Petrosyanı kimin dəstəklədiyini xatırlayırıq, biz, həmçinin 2017-ci ildə onların verdiyi bəyanatların mənasını da başa düşürük".
P.S.
