Emənistanda tibb işçiləri 2 aydır əmək haqqı almırlar

Artıq iki aydır ki, Ermənistanda tibb işçiləri əmək haqqı almırlar.

1news.az erməni mətbuatına istinadla xəbər verir ki, xüsusilə Tibbi radiasiya və yanıq elmi mərkəzinin işçilərinə son dəfə ötən ilin dekabr ayının ortalarında əmək haqqı ödənilib. Yeni il başlayandan isə onlar bir bir qəpik belə almayıblar.

Mərkəzin laborator diaqnostika şöbəsinin müdiri, professor David Qriqoryan əvvəllər belə problem olmadığını bildirib. Əlavə edib ki, hər ayın 15-i, uazağı 21-nə qədər maaşlarını alıblar.

“2018-ci ilin dekabrında mərkəzin işçiləri həm noyabr, həm də dekabr ayları üçün əmək haqqı alıblar. Yanvar ayının əmək haqqı isə fevralın ortalarına qədər ödənilməli idi. Ancaq ay başa çatmaq üzrə olsa da, maaş hələ ki, yoxdur”, Qriqoryan bildirib.

Onlar bunun səbəbini mühasibatlıqla aydınlaşdırmağa çalışıblar. Cavab olaraq deyilib ki, dövlətlə müqavilə hələ imzalanmayıb, buna görə də maliyyələşmə yoxdur.

Tibb radiasiya və yanıq elmi mərkəzində çox az ödənişli xidmətlər olduğundan, büdcə əsasən dövlət sifarişi hesabınadır. Və əgər dövlət sifarişinə dair müqavilə imzalanmayıbsa, əmək haqqını ödəmək üçün sadəcə olaraq vəsait mövcud deyildir.

Tibbi işçilərinə müqavilə imzalamaq və maliyyə ala bilmək üçün hələ bir neçə günün lazım olduğunu bildiriblər. Görünür ki, mərkəzin heyətin maaşlarını yalnız mart ayında ala biləcəklər.

Onlar səhiyyə naziri Arsen Torosyana açıq məktub ünvanlayıblar, amma hələ ki, cavab almayıblar.

P.S.