İrəvan meri istefa vermək istəyir

İrəvan meri Ayk Marutyan iki həftə əvvəl baş nazir Nikol Paşinyana  istefa vermək istədiyini deyib. Lakin Paşinyan ona ən azı iki ay vəzifədə qalmağa razı salıb.

1news.az xəbər verir ki, bu barədə 168.am nəşri yazıb.

"Problem ondadır ki, merin istefası halında, İrəvanın Ağsaqqallar Şurası üzvləri arasından yeni bir rəhbər seçməlidirlər.

Təbii ki, Ayk Marutyan şəhərin problemlərini, bütövlükdə bu sahəni başa düşə bilməyib, amma hazırda "Mənim addımım" fraksiyasında mer vəzifəsinə başqa bir namizəd yoxdur”, deyə nəşr yazıb.

Qeyd edilib ki, Marutyan vətəndaşların narazılığını hər gün daha da artırmaqda olan şəhərin problemlərini həll edə bilməz. Meriyanın keçmiş peşəkar kadrları işdən çıxarılıb, yeni peşəkar olmayan kadrlar gəlib, bununla əlaqədar Marutyanın yanlış təqdim olunan informasiyanın təsiri altına düşüb.

Merin mətbuat katibi Akob Karapetyan Marutyanın istefa vermək istəməsi barədə məlumatı təkzib edib.

P.Sultanova