Paşinyandan ixtisar anonsu: Dövlət aparatı "avaralarla" doludur
Ermənistanın baş naziri Nikol Paşinyan ilk növbədə ixtisara düşəcək bir neçə min məmur tapıb.
1news.az erməni mətbuatına istinadla xəbər verir ki, Paşinyan müavinətlərin ödənilməməsi ilə bağlı vəziyyəti şərh edərkən deyib ki, dövlət aparatı “avaralarla” doludur.
Bununla bağlı olaraq baş nazir əmək və sosial müdafiə naziri Zarui Batoyana müraciət edib.
Nazir bildirib ki, problem dövlət aparatında, habelə ərazi ictimai təhlükəsizlik şöbələrində və regional administrasiyalarda bəzi elektron sistemlərin işi ilə bağlıdır.
"Regionlarda 29 martdan etibarən, pensiya və müavinətlərin verilməsinə başlanılıb, 10 gün ərzində bu prosesi başa çatdırmalıdır", - Batoyan bildirib.
O, həmçinin qeyd edib ki, bu məsələlər hökumətin öhdəliyindən kənardadır, ödənişlərin vaxtlı-vaxtında olması üçün regional idarələr və ərazi quruluşları məsuliyyət daşıyır.
"Mən deyirəm axı dövlət aparatında işləməyən adamlar var", - deyə baş nazir bildirib.
Əlavə edib ki, tapşırıqları yerinə yetirməyən bu insanlar optimallaşma prosesində ilk olacaqlar.
P.S.
