Paşinyanın davranışı hakimiyyətin gücünün deyil, zəifliyinin əlamətidir
Noraqavit gömrük postunda Nikol Paşinyanın iştirakı ilə baş verən utancverici hadisə Ermənistanda ən çox müzakirə olunan mövzuya çevrilib.
1news.az erməni mətbuatına istinadla xəbər verir ki, Nikol Paşinyan tərəfindən gömrük məmurunu alçaldılması, insan ləyaqətinə qarşı qeyri-etik hərəkəti Ermənistanda müxtəlif qiymətləndirmə və tənqidlərə məruz qalıb. Erməni mediası yazır ki, bu hadisə dövlət - vətəndaş, hakimiyyət - vətəndaş münasibətləri ilə əlaqəli çox incə və dərin qatların olduğunu ortaya qoydu.
"Nikol Paşinyan bu hərəkətlə hakimiyyətin və dövlətin vətəndaşa olan münasibətini nümayiş etdirdi. O göstərdi ki, vətəndaş inqilab ideologiyasında müəyyən etdiyi kimi bir məqsəd deyil, yalnız vasitədir. Əslində, Nikol Paşinyanın davranışı heç bir halda hakimiyyətin güclü olmasının deyil zəifliyinin işarəsidir.
Vətəndaşlar olmadan hakimiyyət heç nədir. Üstəlik, söhbət vətəndaşların mübarizəsi ilə təsdiqlənmiş və hələ də vətəndaşların kifayət qədər etimadından istifadə edilən hakimiyyətdən gedir. Və vətəndaşla Nikol Paşinyan kimi davranan hakimiyyətə vətəndaşların etibarı itirəcək, çünki vətəndaşlar öz ləyaqəti hesabına hakimiyyətə etibar etməyə hazır deyillər.
Beləliklə, vətəndaşların köməyi ilə hakimiyyətə gələn Paşinyan öz qüdrətini göstərmək üçün onların ləyaqətini də satın almaq istəyir. Çoxsaylı video kameralar qarşısında, Paşinyan tərəfindən ifa edilən bu səhnə bütün televiziya kanallarında nümayiş olundu, bütün media bunu yaydı.
Beləliklə, inqilab sevgisi və dözümlülük tədricən hakimiyyətin kobud və ləyaqətsiz gücünə çevrilir. Və istənilən hərəkət məlum olduğu kimi qarşıdurmaya gətirib çıxarır. Nikol Paşinyan gözəl bir gündə vətəndaşların özünün şərəfli və ləyaqətini bərpa etməyə çalışacağına hazır olmalıdır. Hər bir belə hadisə isə Paşinyanı həmin günə daha da yaxınlaşdırır", deyə erməni KİV yazıb.
Xatırladaq ki, Noraqavit gömrük postunda olarkən Paşinyan əməkdaşları təhqir edib. Gömrük əməkdaşı Ayk Martirosyan artıq işdən azad olunması üçün ərizə yazdığını bildirib. Paşinyan daha bir neçə əməkdaşın işdən azad olunması üçün ərizə yazmalarına göstəriş verib. A. Martirosyan yalnız iki ay əvvəl işə başlayıb.
P.Sultanova
