Putin və Paşinyan gələn ay görüşəcək

Rusiya prezidenti Vladimir Putinlə Ermənistanın baş naziri Nikol Paşinyanın mayın 29-da Qazaxıstanda keçiriləcək Avrasiya İqtisadi Birliyinin Yüksək Səviyyəli Şurasının iclası çərçivəsində görüşü gözlənilir.

1news.az erməni mətbuatına istinadla xəbər verir ki, bu barədə Rusiya Federasiya Şurasının spikeri Valentina Matvienko deyib.

O bildirib ki, Rusiya ilə Ermənistanın qarşılıqlı əlaqələri çox konstruktiv, dinamik şəkildə qurulub:

“Ölkəmizin liderləri ötən il yeddi dəfə görüşüb, onlar daim əlaqə saxlayır, telefon danışıqları aparırlar. Mayın 29-da Qazaxıstanda AİB-nin Yüksək Səviyyəli Şurası keçiriləcək. Oktyabrın 1-də belə bir tədbir İrəvanda keçiriləcək və ölkələrimizin liderləri görüşmək imkanı qazanacaqlar".

P.Sultanova