Meksikada dəhşətli qəza: 20 ölü, 18 yaralı

Meksikanın cənub-şərqində yerləşən Verakrus ştatında avtobus yük maşını ilə toqquşub.

1news.az xəbər verir ki, bu barədə TASS məlumat yayıb.

Məlumata görə, dəhşətli qəza nəticəsində azı 20 nəfər ölüb, 18 nəfər yaralanıb.

İlkin versiyaya görə, dağ yolu döngələrindən birində yük maşınının əyləci tutmayıb və o, avtobusa çırpılıb. Toqquşma nəticəsində hər iki maşın yanıb. Avtobusda Çyapas ştatından zəvvarlar olub.

Ölənlərin və yaralananların sayı barədə rəsmi məlumat açıqlanmayıb.

1news.az