Qavrilov Gürcüstan parlamentinin sədrinin yerində nə üçün əyləşməsindən danışıb
Rusiyanın Beynəlxalq Pravoslav Assambleyasındakı nümayəndə heyətinin rəhbəri Sergey Qavrilov Tbilisidəki parlament binasının qarşısında etiraz aksiyasına səbəb olah hadisələrdən danışıb.
1news.az xəbər verir ki, ajiotaj müxalifətin Qavrilovu Gürcüstan parlamentinin spikerinin yerində əyləşmiş görəndən sonra başlayıb.
Nəticədə tədbirin işi pozulub və etirazlar başlayıb. Müxalifət bəyan edib ki, Gürcüstan hakimiyyəti öz vətənini satıb. Abxaziya və Tsxinvali regionlarının müstəqilliyini dəstəkləyən bəyanatlar verən şəxsi fəxri kürsüdə əyləşdiriblər.
Qavrilovun sözlərinə görə, gürcü tərəfi onu tədbirin protokoluna əsasən spikerin yerini təqdim edib. Deputat xatırladıb ki, o, artıq başqa ölkələrdə fəxri kürsüdə əyləşib və bu, heç vaxt problem yaratmayıb.
"Baş Assambleyanı Beynəlxalq Pravoslav Assambleyasının prezidenti aparır- indiki halda mən. Vurğulamaq istərdim ki, Yunanıstan, Livan və digər ölkələrin parlamentlərində eyni yerdə oturmuşam və heç bir problem olmayıb. Əlbəttə ki, mən hətta yan masada da əyləşib işləməyə hazıram, mən ciddi adamam və fərqlənməni təqib etmirəm ", - deputat Kommersant-a müsahibəsində bildirib.
Bundan əlavə, o, Abxaziyada döyüşməsi barədə mətbuatın yazdıqlarını yalan adlandırıb:
"Bir daha bəyan edirəm ki, heç vaxt Abxaziyadakı və başqa bir ölkədə hərbi əməliyyatlarda iştirak etməmişəm. Heç bir döyüşdə heç vaxt iştirak etməmişəm, silahı daşımamışam”.
1news.az
