Erməni əsgər müalicədən sonra hərbi xidmətə qayıtmaqdan imtina edib
Ermənistan ordusunun əsgəri Yuri Broyan psixi sağlamlıq üzrə xəstəxanada müalicə kursu aldıqdan sonra hərbi xidmətə qayıtmaqdan imtina edib.
1news.az xəbər verir ki, bu barədə Ermənistan Müdafiə Nazirliyinin mətbuat katibi Artsrun Ovhannisyan öz Facebook səhifəsində yazıb.
O bildirib ki, iyulun 15-də hərbi polisin əməkdaşları Broyanı hərbi hissəyə aparmaq üçün müalicə mərkəzinə gəliblər. Ancaq məlum olub ki, əsgər burada yoxdur, o, xəstəxanadan çıxıb və naməlum istiqamətə gedib.
Polis əməkdaşları onun anası ilə əlaqə saxlayıblar və qadın bildirib ki, oğlu hərbi hissəyə dönməyə hazırlaşmır.
Hazırda polis Broyanı hərbi hissəyə qaytarmaq üçün tədbirlər görür.
Xatırladaq ki, erməni əsgər iyunun 6-dan psixi mərkəzdə müalicə alıb.
P.S.
