Paşinyan inqilabın dəyərlərinə xəyanət edir - Ekoloq
İrəvanda “Amulsar” qızıl yatağının istismarına qarşı etiraz aksiyaları davam edir.
1news.az erməni mətbuatına istinadla xəbər verir ki, əhali baş nazir Nikol Paşinyandan qəti mövqe ortaya qoymasını tələb edirlər.
Xatırladaq ki, “Amulsar” qızıl yatağının işlənməsi ilə bağlı Ermənistanda həm hökumətdə, həm də ictimaiyyət və ekspertlər arasında fikir ayrılıqları var.
Paşinyan hökümətində bir qrup ölkənin əvvəlki hakimiyyət orqanlarının verdiyi lisenziyaya uyğun olaraq “Lidian” şirkətinin yatağın istismarının davam etdirilməsinin zəruri olduğunu düşünürlər. Digər hissə, ilk növbədə yatağın yerləşdiyi əraziyə yaxın Cermuk sakinləri buna qarşı çıxırlar.
Ekoloqlar hesab edirlər ki, qızıl yatağının istismarı Ermənistanın bütün çaylarının və Sevan gölünün çirklənmə təhlükəsini yaradır, bu, Cermuk kurortuna birbaşa ziyan vuracaq.
Bundan əlavə, mədəndəki qızılın çox az olmasına dair də kifayət qədər sübutlar var. Məlumata görə, sovet dövrünə aid ekspedisiyalar mədəndə qızıl yox, uran tapıblar.
İrəvanda “Amulsar”ı müdafiə edən aksiya iştirakçıları paytaxtın mərkəzində yolu bağlayıblar.
Daha əvvəl xəbər verildiyi kimi, aksiya parlament parkdan başlayıb və dinc aksiya iştirakçıları gücləndirilmiş polis kordonu ilə qarşılaşıblar. Bundan sonra, aksiya iştirakçıları Baqramyan prospekti ilə Maştots prospektinə və Respublika meydanına tərəf gediblər.
Ekoaktivistlər, ictimaiyyət nümayəndələri ölkə rəhbərliyinin “Lidian”a “Amulsar”ın istismarına icazə vermək istəməsinə qarşı çıxıblar. Mütəxəssislərin fikrincə, “Elard” ekspert şirkətinin rəyi də mədənin işləməsinin mümkün risklərini göstərir.
“Lidian” a lisenziya əvvəlki hakimiyyət orqanları tərəfindən verilib və bəzi ekspertlər hesab edir ki, hazırkı hakimiyyət ictimaiyyətin təzyiqi səbəbindən bunu ləğv edə bilər.
“Amulsar”a qarşı çıxanlar baş nazir Nikol Paşinyanı hakimiyyətdən sui-istifadə etməkdə və inqilabın dəyərlərinə xəyanətdə ittiham edirlər.
Ekoloq Ani Xaçatryan bildirib ki, Paşinyanı əvvəlki hakimiyyətin siyasətini davam etdirməkdə ittiham edib. Xaçatryan, “Amulsar”ın həvalə olunduğu “Lidian” şirkətinin səlahiyyətlilərə, ictimaiyyətə və öz kreditorlarına səhv məlumat verdiyini vurğulayıb. Onun sözlərinə görə, baş nazir bunu görmək istəmir.
“Paşinyan şirkətin himayəsini ən yüksək səviyyədə təmin edir. Bu, açıq-aşkar sui-istifadə faktı, inqilabın dəyərlərinə xəyanətdir. Paşinyan və onun hökuməti şantaj yolu ilə ölkənin bütün əhalisinin hesabına hansısa bir korporasiyanın qazanc əldə etməsinə cavabdehlik daşıyır", deyə, fəal xatırladıb.
Onun sözlərinə görə, Paşinyanın açıqlamaları “Lidian”ın hərəkətləri üçün münbit zəmin yaradır:
“Əhalinin çoxu yatağın təhlükəsizliyi ilə bağlı arqumentlərə inanmır, eyni zamanda hökumətin legitimliyinə təhdid var. Biz bu məsələdə vətəndaşların hüquq və mənafelərini qorumaq üçün hər cür səy göstərəcəyik”.
P.S.
