Qazaxıstanda təyyarə binaya çırpıldı: ölənlər var - VİDEO - FOTO

Qazaxıstanda "Bek Air" aviaşirkətinə məxsus sərnişin təyyarəsi qəzaya uğrayıb.

1news.az-ın məlumatına görə, bu barədə Almatı Beynəlxalq Hava Limanının "Facebook" səhifəsində yerləşdirilən məlumatda deyilir.

Məlumatda deyilir: "Bu gün 2100 Almatı Nur-Sultan reysi ilə hərəkət edən "Bek Air" aviaşirkətinə məxsus təyyarə plan üzrə saat 07:05-də havaya qalxıb və radarlardan itib. Təyyarənin göyərtəsində 95 sərnişin və 5 heyət üzvü olub. "Bek Air" aviaşirkətinin təyyarəsi aeorodromdan kənarda düşüb. Sağ qalanlar var. Hadisə yerində təcili xidmətlər işləyir".

Almatı şəhərinin meriyasının məlumatına əsasən, qəza nəticəsində 14 nəfər həlak olub. Həlak olanların sayının artacağı proqnozlaşdırılır.

1news.az