Koronavirusdan sağalanların sayı açıqlandı

Dünyada koronavirusdan sağalanların sayı 184 min nəfəri keçib.

1news.az-ın verdiyi xəbərə görə, pandemiyaya dünyada yoluxma hallarının sayı isə 873 mini keçib. Xəstəlikdən dünyasını dəyişənlər isə 43 min 291 nəfərdir.

Xatırladaq ki, 2019-cu il dekabrın 31-də Çin hökuməti Uhan şəhərində pnevmoniyanın sürətlə yayılmağa başladığını açıqlayıb. Yeni tip koronavirusa rəsmi olaraq, COVID-19 adı verilib.

Martın 11-də Ümumdünya Səhiyyə Təşkilatı (ÜST) yeni tip koronavirusun yayılmasını pandemiya elan edib.

1news.az