“Müsəlman döyüşçü ilə qarşı-qarşıya gəlmək istəmərəm”

Rusiyalı MMA döyüşçüsü Maqomed İsmayılov maraqlı açıqlamalarla diqqət mərkəzinə gəlib.

1news.az oxu.az-a istinadən xəbər verir ki, "Fight Show" "YouTube" kanalına danışan İsmayılov rinqdə müsəlman idmançı ilə qarşılaşmaq istəmədiyini bildirib.

İdmançı qeyd edib ki, o, rəqiblərini milli mənsubiyyətinə görə bölmək niyyətində deyil. Amma mənəvi olaraq oktaqonda müsəlman dinindən olan döyüşçü ilə üz-üzə gəlmək istəmir.

Bundan başqa Maqomed vurğulayıb ki, o, dostları ilə dalaşmır və reklamlara çəkilməyi sevmir.

Qeyd edək ki, iyulun 24-də Soçidə ACA-107 turnirində Aleksandr Yemelyanenko ilə üz-üzə gələn İsmayılov qələbə qazanmışdı. O, cavab görüşünün də maraqlı olacağını düşündüyü üçün həmin rəqiblə revanşa razılıq verib.

1news.az