İraqlı Ayətullah: “Azərbaycanın ərazi bütövlüyünə hörmət edilməsinə çağırırıq”

İraq Respublikasının dini liderlərindən biri olan Ayətullah Uzma Seyid Məhəmməd Səid əl-Təbatəbai əl-Həkiminin ofisi Ermənistan-Azərbaycan Dağlıq Qarabağ münaqişəsi ilə bağlı bəyanat yayıb.

1news.az-ın məlumatına görə, bəyanatda deyilir:

“Lütfkeş və Mərhəmətli Allahın adı ilə

Hazırda Azərbayan Respublikasının cənub-qərb hissəsində baş verən xoşagəlməz vəziyyəti böyük narahatlıqla izləyirik və xüsusilə də mülki vətəndaşlar arasında yaranan itkilər və qurbanlara görə dərin kədərimizi ifadə edir və bu böhranın həll olunmasının vacibliyini təsdiq edirik.

BMT Təhlükəsizlik Şurasının müvafiq qətnamələrinə əsasən, Azərbaycanın ərazi bütövlüyünə hörmət edilməsinə, ərazilərin zorla işğalına son qoyulmasına və bütün məcburi köçkünlərin şəhərlərinə qayıtmasına çağırırıq. Dünyada və regionda sülhün, əmin-amanlığın və ədalətin bərqərar olunmasını Uca Allahdan diləyirik”.

1news.az