“Azərbaycan Ordusunda heç bir qadağan olunmuş silahdan istifadə edilmir”
Azərbaycan Ordusu bütün beynəlxalq normalara tam olaraq əməl edir.
1news.az xəbər verir ki, bunu bu gün keçirilən brifinqdə Müdafiə Nazirliyinin mətbuat katibi Anar Eyvazov bildirib. Onun sözlərinə görə, düşmənin aldığı itkilər verərək, geri çəkilir. Ağdərə, Xocavənd, Qubadlı istiqamətlərində döyüşlər davam edir:
"Təssüf ki düşmən elan olunan humanitar atəşkəslərdən sui-istifadə edərək mövqelərimizə hücum etməyə cəhd edib. Lakin düşmən itki verərək geri çəkilib".
“Düşmən döyüş meydanında Azərbaycan Ordusuna cavab verə bilmədiyinə görə, yaşayış məntəqlərimizi atəşə tutur”- deyən A.Eyvazov Azərbaycan Ordusunda heç bir qadağan olunmuş silahdan istifadə edilmədiyini də bildirib:
“Əksinə, düşmən Xocavənd istiqamətində fosfor tərkibli maddələr gətirib. Düşmən bu maddələrdən meşəlik ərazilərdə istifadə edib yanğınlar törədərək öz bölmələrinin orada gizlənməsini təmin etmək istəyir”.
1news.az