İzmirdə zəlzələ nəticəsində ölənlərin sayı artıb: 62 nəfər – YENİLƏNİB
Türkiyənin İzmir şəhərində baş vermiş zəlzələ nəticəsində ölənlərin sayı 62 nəfərə çatıb.
Trend-in Türkiyə KİV-lərinə istinadən verdiyi məlumata görə, hazırda xəstəxanalarda 218 nəfərin müalicəsi davam etdirilir.
15:57
Türkiyənin İzmir şəhərində zəlzələ nəticəsində ölənlərin sayı artıb.
1news.az xəbər verir ki, bu barədə məlumatı ölkə başçısı Rəcəb Tayyib Ərdoğan verib.
Prezidentin sözlərinə görə, indiyədək 58 nəfər zəlzələdən həlak olub, 896 nəfər yaralanıb.
***
12:59
Türkiyənin İzmir şəhərində baş vermiş zəlzələ nəticəsində ölənlərin sayı 51 nəfərə çatıb.
1news.az bu barədə Türkiyə KİV-lərinə istinadən məlumat verir.
9 binanın dağıntıları altında axtarışlar aparılır.
11:32
Türkiyənin İzmir şəhərində baş vermiş zəlzələ nəticəsində ölənlərin sayı 49 nəfərə çatıb.
1news.az xəbər verir ki, bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.
Bildirilib ki, hazırda 214 nəfər müxtəlif xəstəxanalarda müalicə olunur.
10:36
Türkiyənin İzmir şəhərində baş vermiş zəlzələ nəticəsində ölənlərin sayı 44 nəfər çatıb.
Bu barədə 1news.az Türkiyə KİV-lərinə istinadən məlumat verib.
Zəlzələ zamanı 896 nəfər xəsarət alıb, onlardan 667-si artıq evə buraxılıb. Hazırda 9 binanın dağıntıları altında axtarışlar aparılır.
1news.az
