Putin İlham Əliyev və Paşinyanla Qarabağdakı vəziyyəti müzakirə etdi
Rusiya prezidenti Vladimir Putin Azərbaycan prezidenti İlham Əliyev və Ermənistanın baş naziri Nikol Paşinyanla telefon danışıqları aparıb.
Kremlin mətbuat xidmətindən verilən məlumata görə, telefon danışıqları çərçivəsində o, Dağlıq Qarabağla bağlı razılaşmaların həyata keçirilməsinin aspektlərini müzakirə edib.
“Rusiya Federasiyasının Prezidenti Vladimir Putin, Azərbaycan Respublikasının Prezidenti İlham Əliyev və Ermənistanın baş naziri Nikol Paşinyan arasında müntəzəm telefon danışıqları zamanı 9 noyabr tarixli Dağlıq Qarabağla bağlı üçtərəfli bəyanatda qeyd olunan razılaşmaların həyata keçirilməsinin praktik aspektləri müzakirə edildi. Atəşkəsə əməl olunmasından və təmas xəttindəki vəziyyətin kifayət qədər sakit olmasından məmnun olduqlarını ifadə etdilər” – deyə, məlumatda bildirilir.
RİA Novosti-nin verdiyi məlumata görə, Vladimir Putin İlham Əliyevlə söhbətində Azərbaycanın nəzarətinə keçən bölgələrdəki xristian kilsələrinin təhlükəsizliyinin təmin edilməsinin vacibliyini vurğuladı. Azərbaycan Respublikasının Prezidenti Pravoslav kilsələrinin və monastırlarının qorunmasının vacibliyini başa düşdüyünü bildirdi.
S.Xankişiyeva
