Pentaqonun yeni rəhbəri məlum oldu
ABŞ Senatı ehtiyatda olan 67 yaşlı general-leytenant Lloyd Ostinin Pentaqon rəhbəri vəzifəsinə namizədliyini təsdiqləyib.
1news.az APA-ya istinadən xəbər verir ki, 93 senator onun namizədliyinə, 2-si isə əleyhinə səs verib.
Onun bir gün əvvəl namizədliyini Senatın profil komitəsi dəstəkləyib.
Qeyd edək ki, 7 ildən az müddətə mülki müdafiə naziri vəzifəsinə namizədlər Konqres tərəfindən təsdiq edilməlidirlər.
Ostin 2016-cı ildə təqaüdə çıxıb. O, Almaniyada və ABŞ-ın bir çox ştatlarında xidmət edib.
2010-cu ildə ABŞ-ın İraqdakı qüvvələrinin komandiri kimi qoşunların ölkədən tədricən geri çəkilməsinə məsul olub.
2011-ci ilin dekabrında Quru Qoşunları Baş qərargah Komandanının müavini təyin edilib.
2013-2016-cı illərdə ABŞ Mərkəzi Komandanlığına rəhbərlik edib. Bu vəzifədə Vaşinqtonun İŞİD-lə mübarizə strategiyasının inkişaf etdirilməsində əsas rol oynayıb.
2016-cı ildə təqaüdə çıxdıqdan sonra ən böyük silah istehsalçısı "Raytheon"un İdarə Heyətində vəzifə alıb.
1news.az
