İƏT Baş katibi: Ermənistanın minalanmış ərazilərin xəritələrini verməməsi ciddi təhlükədir

"Ermənistanın minalanmış ərazilərin xəritələrini Azərbaycana verməməsi çox ciddi təhlükədir" .

1news.az xəbər verir ki, bunu İƏT Baş katibi Yusif Bin Əhməd Əl-Osaymin Azərbaycan Xarici işlər naziri Ceyhun Bayramov ilə keçirilən birgə mətbuat konfransında deyib.

“Bizim nümayəndə heyəti bu ərazilərə səfər edərkən çox ciddi təhlükələrin olduğunu bildirirdilər" - deyə, nazir fikirlərinə əlavə edib:

"Onlar deyirlər ki, hansı anda minaya tuş gələ biləcəyini bilmirsən. Bu, çox ciddi məsələdir. Bu təhlükənin qarşısını almaq üçün Ermənistan minalanmış ərazilərin xəritələrini verməlidir" .