Naqif Həmzəyev: “Dünyanın bir çox çox ölkələrində müzeylərdə əsgərlərin geyimləri sərgilənir” | 1news.az | Xəbərlər
Siyasət

Naqif Həmzəyev: “Dünyanın bir çox çox ölkələrində müzeylərdə əsgərlərin geyimləri sərgilənir”

Qafar Ağayev18:00 - 13 / 04 / 2021
Naqif Həmzəyev: “Dünyanın bir çox çox ölkələrində müzeylərdə əsgərlərin geyimləri sərgilənir”

Məlum olduğu kimi, ötən gün Prezident İlham Əliyev Bakıda yeni Bulvar ərazisində Hərbi Qənimətlər parkının açılışını etdi.

Hərbi qənimətlər parkında 44 günlük Vətən müharibəsində ermənilərin qoyub qaçdığı hərbi texnikalar, silahlar, məhv edilən erməni əsgərlərinin dəbilqələri və s. nümayiş etdirilib. Məğlubiyyətə uğrayan Ermənistan Azərbaycanın bu qələbəsini həzm etməyərək müxtəlif təxribatçı addımlar atır. Belə addımlardan biri də ötən gün açılışı olan Hərbi Qənimətlər parkında məhv edilən erməni əsgərlərinin dəbilqəsinin nümayiş etdirilməsini insan haqlarının pozulması kimi qələmə verməyə çalışır. Ermənilərin bu addımını müəyyən qədər anlamaq olar, ancaq sosial şəbəkələrdə məhv edilən erməni əsgərlərinin dəbilqələrinin nümayiş etdirilməsinə etiraz edənlər arasında azərbaycanlılar da var. Bəs görəsən ermənilərin Azərbaycan xalqına qarşı törətdiyi soyqırımları, vəhşilikləri görməzdən gələn bu insanlar niyə müharibədə məhv edilən erməni əsgərlərinin dəbilqəsinin, geyimlərinin nümayiş etməsinə etiraz edir?

Məsələ ilə bağlı 1news.az-a danışan Milli Məclisin deputatı Naqif Həmzəyev deyib ki, Azərbaycan 44 günlük Vətən müharinəsində işğal altında olan torpaqları döyüşərək azad etdi:

“Həmin ərazilərin videogötüntülərinə baxdıqda erməni vandalizminin şahidi oluruq. Bu günə qədər dünya ictimaiyyətinə ermənilərin iç üzünü göstərmək istəsək də çox təəssüf ki, ikili standartlarlarla qarşılaşırdıq. Ancaq biz 44 günlük vətən müharibəsində bütün beynəlxalq konvensiyalara, beynəlxalq qaydalara əməl edərək mövcud qaydaları pozmadan əli silah tutan terroristlərə qarşı döyüşərək sivil formada ərazilərimizi işğaldan azad etmişik. Ancaq buna qədər biz 30 ilə yaxın müddətdə bu məsələnin sülh yolu ilə həllini gözləmişik. Təəssüflər olsun ki, problem öz həllini tapmayıb”.

Qənimətlərin əldə edilməsindən danışan deputat bildirib ki, döyüş zamanı əldə olunan bütün qənimətlərin Bakıda açıq hava məkanında Hərbi Qənimətlər parkında sərgilənməsi normal bir haldır:

“Dünyanın bir çox müzeyinə baxsaq görərik ki, müharibəni əks etdirən döyüş silahları, əsgərlərin geyimləri və yaxud onların baş geyimləri sərgilənir. Bizim də bu muzeyi açmaqda, qənimətləri sərgiləməkdə məqsədimiz ondan ibarətdir ki, hər kəs anlasın ki, Azərbaycan torpaqlarını işğal etmək və yaxud azərbaycanlılara qarşı hərbi cinayət, terror törətməyin nəticəsi bu olur. Hətta bizim nümayiş etdirdiyimiz qənimətlər və maketlər göstərə biləcəklərimizin bəlkə də 5 faizidir. Bizim humanizmimiz imkan vermir ki, bütün çılpaqlığı ilə ermənilərin iç üzünü göstərək. Ancaq biz gələcək nəsillərin ermənilərin iç üzünü unutmaması üçün, ermənilərin hərbi cinayətlərinin unudulmaması üçün bu muzeyi açmalı idik.

Möhtərəm cənab Prezidentimizin də bu açılış mərasimində özünün iştirak etməsi, oradan mesajlar verməsi xalqımız tərəfindən çox yaxşı qarşılandı. Artıq dünya da anlayır ki, Azərbaycan 30 il bundan əvvəlki Azərbaycan deyil. Azərbaycan qətiyyən müharibə tərəfdarı olmayıb və bu gün də bizim bütün kommunikasiya xətlərini açmaqda məqsədimiz ondan ibarətdir ki, bölgədə daimi sülhü bərpa edək”.

Paylaş:
663

Son xəbərlər

Son sutkada peyvənd olunanların sayı açıqlanıb – CƏDVƏLBu gün, 17:15Azərbaycanda bir gündə 1306 nəfər koronavirusdan sağalıbBu gün, 17:01Deputat: Zəngəzur dəhlizinin yaradılması Naxçıvanın blokadasına son qoymaqla yanaşı, türk dünyasını birləşdirəcəkBu gün, 16:33“OBA” marketlər şəbəkəsindən Tərtərdə baş verən hadisə ilə bağlı açıqlamaBu gün, 16:25Düşməndən əldə olunan hərbi qənimətlər Qubadlıda istifadə olunur - FOTOBu gün, 15:55Zakir Həsənov azad edilmiş ərazilərdə yerləşən bölmələrdə olub – FOTOBu gün, 15:28“YAŞAT” Fondu daha 11 qazini Türkiyəyə göndəribBu gün, 14:50Nasizmin qəhrəmanlaşdırılması qəbuledilməzdir - Azərbaycan XİNBu gün, 14:26Zakir Həsənov Azərbaycan Ordusunu təbrik edibBu gün, 14:15Lavrov: Minalanmış ərazilərin xəritələrinin verilməsi Yerevanda müzakirə edilibBu gün, 14:11Yol polisi katalizator məsələsi ilə bağlı suallara aydınlıq gətiribBu gün, 14:05Əlcəzair portalı Prezident İlham Əliyevin Şuşanı mədəniyyət paytaxtı elan etməsi haqqında AZƏRTAC-ın xəbərini yayımlayıbBu gün, 13:41Rusiya XİN başçısı: Azərbaycanla münasibətlərimiz, birgə layihələrimiz daha da genişlənəcəkBu gün, 13:35Ceyhun Bayramov Kazanda törədilmiş hadisə ilə bağlı Rusiyaya başsağlığı veribBu gün, 13:32Lavrov: “Sputnik V”nin ikinci partiyası mayın sonunda Azərbaycana gətiriləcəkBu gün, 13:30Azərbaycan üçtərəfli bəyanat çərçivəsində öz öhdəliklərinə məsuliyyətlə yanaşır - NazirBu gün, 13:26Ceyhun Bayramov: Ermənistanın davranışı prosesə lazımsız gərginlik verirBu gün, 13:23Azərbaycan və Rusiya XİN arasında 2021-2022-ci illər üçün məsləhətləşmələr Planı imzalanıb – FOTO – VİDEO – YENİLƏNİBBu gün, 13:22Ramazanın 29-cu günü: dua, imsak və iftar vaxtı – TƏQVİMBu gün, 13:15Kazanda məktəbdə atışma zamanı ölənlərin sayı 13-ə çatıb – FOTO – VİDEOBu gün, 12:56
Bütün xəbərlər

Next TV