Əfqanıstandan Türkiyə sülhməramlılarını gətirən təyyarə Ankaraya enib

Türkiyə sülhməramlılarının ilk qrupunu Əfqanıstandan gətirən təyyarə Ankarada eniş edib.

1ews.az-ın Türkiyə KİV-lərinə istinadən məlumatına görə, təyyarə 345 nəfərdən ibarət şəxsi heyəti Esenboğa hava limanına çatdırıb.

Qeyd edək ki, ötən gün türkiyəli hərbçilərin 36 saat ərzində Əfqanıstandan çıxarılacağı bildirilmişdi.

Bu gün milli müdafiə naziri Hulusi Akar təxliyə prosesinin qısa zamanda başa çatdırılacağını vurğulayıb.