“Bu, ermənilərin Azərbaycanda yaşaması üçün yeganə çıxış yoludur” – Deputatdan Ermənistana XƏBƏRDARLIQ!

“Ermənistan üçtərəfli bəyanatın bütün bəndlərini icra etməyə məcbur ediləcək”.

Bu sözləri 1news.az-a açıqlamasında Milli Məclisin deputatı Asim Mollazdə bildirib.

"Azərbaycan hal-hazırda böyük qayıdış layihəsini həyata keçirir. Qısa müddətdə Füzuli Beynəlxalq Hava Limanın açılışı onu göstərir ki, Qarabağ Azərbaycandır və Qarabağ torpağının əsl sahibləri geri dönməyə hazırlaşır".

Millət vəkili əlavə edib ki, Azərbaycan dost ölkələrlə birlikdə “Ağıllı kənd”, “Ağıllı şəhər” və bu kimi böyük infrastruktur layihələrini həyata keçirəcək.

“Bu həm Ermənistana, həm də Azərbaycan torpağında yaşayan ermənilərə bir mesajdır. Bu torpaqlarda azərbaycanlılarla birgə yaşamaq mesajı. Ermənistan qonşu ölkələrə qarşı ərazi iddialarına son qoymalıdır. Bu ermənilərin Azərbaycana məxsus bölgədə yaşaması üçün yeganə çıxış yoludur. Ümumiyyətlə Ermənistanın revanşist fikirləri bu ölkənin məhvinə gətirib çıxara bilər. Dəmir yumruq yerindədir. Azərbaycan hər zaman erməni təxribatına cavab verməyə hazırdır. Lakin Azərbaycanın planları bölgədə sülh, stabillik, tərəfdaşlıq sistemini formalaşdırmaqdır. Ən əsas plan isə Qarabağı cənnətə çevirməkdir”.

A.Mollazadə bildirib ki, Qarabağda kommunikasiya sistemi tam bərpa olunduqdan sonra, bu bölgə bütün dünyanın diqqət mərkəzində olacaq.

"Deyə bilərəm ki, Qarabağ böyük turist mərkəzinə çevriləcək. Elə buna görə də Ermənistanın yeganə xilas yolu, sülhü seçməkdir. Əks halda çox ciddi faciələrlə üzləşə bilərlər".

Aytən Sakitqızı