Cavid Osmanov: “Düşmənin uzun illər formalaşdırdığı mif cəmi 44 günə darmadağın edildi”
"Azərbaycanın azadlıq müharibəsi olan 44 günlük hərbi əməliyyatlar ölkəmizin ərazi bütövlüyünün təmin edilməsi ilə nəticələndi".
Bu fikirləri 1news.az-a açıqlamasında millət vəkili Cavid Osmanov bildirdi:
“Vətən müharibəsi Ermənistana Azərbaycanın gücünü, bütün dünyaya isəgüclü dövlət olduğunu sübut etmiş oldu. Taixdən bilirik ki, baş vermiş müharibələr əksərən aylarla, illərlə davam edib. Məhz ötən ilin 27 sentyabrında hərbi əməliyyatlar başlayarkən, böyük əksəriyyət insanlar bəlkə də düşünürdülər ki, bu müharibə də ayalarla davam edəcək. Biz Birinci Qarabağ müharibəsində də bunu görmüşdük. Yəni, hərbi əməliyyatların bu qədər qısa olacağını heç kəs düşünməzdi. Bu hal özü elə Azərbaycan dövlətinin gücünün, qüdrətli orduya sahib olduğunun göstəricisidir”.
Deputat əlavə etdi ki, Müzəffər Ali Baş Komandan İlham Əliyevin rəhbərliyi ilə rəşadətli Azərbaycan Ordusu cəmi 44 gündə parlaq Zəfər qazandı.
“Eyni zamanda Vətən müharibəsi ilə ölkəmiz regionda və dünyada yeni reallıqlar yaratmış oldu. Azərbaycanın regionda yaratdığı yeni reallıqlar ondan ibarətdir ki, ərazi bötüvlüyümüz təmin olundu, düşmənin uzun illər ərzində formalaşdırdığı mif cəmi 44 günə darmadağın edildi. Ölkəmizin dünyada yaratdığı yeni reallıqlar isə ondan ibarətdir ki, Azərbaycan güclü dövlət olduğunu bütün dünyaya nümayiş etdirmiş oldu. Azərbaycan dövləti öz haqlı və qətiyyətli mövqeyində qalmaqla, həmçinin beynəlxalq riyakarlığa da qarşı olduğunu sübut etmiş oldu.
Vətən müharibəsindən sonra Azərbaycanın gücünü, güclü dövlət olduğunu görən dünya ölkələri ölkəmizlə münasibətlərinə yenidən baxmaq qərarına gəldilər. Biz bunu “Dəmir yumruq” əməliyyatı başa çatandan sonra ölkəmizin xarici əlaqələri sahəsində baş verən dəyişikliklərdən də asanlıla görə bilərik. Çoxlu sayda ölkələr ölkəmizlə əməkdaşlıqda maraqlı olduqlarını bu ötən müddət ərzində etiraf ediblər. Təssüf ki, Azərbaycanın gücünü, qazandığı parlaq Zəfəri, əldə etdiyi uğurları gözü götürməyən anti-Azərbaycan dairələr də mövcuddur. Xalq, dövlət olaraq biz bu dairələrə qarşı davamlı olaraq mübarizə aparmalı, ölkəmizin suverenliyini, müstəqilliyini qoruyub saxlamalıyıq”- deyə, Cavid Osmanov əlavə etdi.
Aytən Sakitqızı
