İran-Ermənistan qardaşlığının iyrənc təzahürü: Narkotacirlik və talançılıq | 1news.az | Xəbərlər
Siyasət

İran-Ermənistan qardaşlığının iyrənc təzahürü: Narkotacirlik və talançılıq

Aytən Sakitqızı16:30 - 15 / 10 / 2021
İran-Ermənistan qardaşlığının iyrənc təzahürü: Narkotacirlik və talançılıq

Bu gün İranın Azərbaycana qarşı ermənipərəst mövqeyi çılpaq şəkildə ortadadır. Halbuki, İran “müsəlmanın ən yaxın dostu elə müsəlmandır” ideologiyasına bürünsə də, nədənsə biz bunun əksini görürük.

Elə götürək 30 ilə yaxın bir müddətdə erməni işğalında olan Azərbaycan ərazilərinin talan olunmasındakı iştirakından tutmuş, Cəbrayıl rayonundan keçməklə Ermənistana və Avropaya narkotrafik marşrutu bağlamasına qədər.

Cənab Prezident İlham Əliyev də Müstəqil Dövlətlər Birliyinin Dövlət Başçıları Şurasının videokonfrans formatında keçirilən iclasındakı çıxışında bu fakta xüsusilə toxundu. Bildirdi ki, Azərbaycan 30 il Ermənistanın nəzarəti altında olmuş İran ilə dövlət sərhədinin 130 kilometrlik hissəsində nəzarəti bərpa edəndən sonra keçən bir il ərzində Azərbaycanın Cəbrayıl rayonundan keçməklə İrandan Ermənistana və daha sonra Avropaya narkotrafik marşrutunu bağlayıb.

Dövlət başçısı qeyd etdi ki, Azərbaycan-İran sərhədinin digər sahələrində bizim tutub saxladığımız heroinin həcmi əvvəlki illərin müvafiq dövrü ilə müqayisədə iki dəfə artıb. Bu o deməkdir ki, Ermənistan təqribən 30 il müddətində İranla əlbir olaraq Azərbaycanın keçmiş işğal altında olan ərazilərindən Avropaya narkotrafik üçün istifadə edib.

Bəli, Prezident nəyi harada və hansı formada deməyi çox yaxşı bilir. Biz də bilirik ki, bu faktdır və sübutlar var. İran buna müxtəlif don geyindirməyə çalışsa da, başını bağlaya bilmir ki, bilmir.

Milli Məclisin deputatı Elman Nəsirov məsələ ilə bağlı 1news.az-a açıqlamasında bildirdi ki, İran tərəfi 30 ilə yaxın müddətdə narkotiklərin qeyri-qanuni dövriyyəsini işğal altında olan Azərbaycan torpaqlarınıda reallaşdırıb:

“Xüsusilə qeyd edim ki, Azərbaycan torpaqları işğalda olduğu zaman İran bu ərazilərdə narkotiklərin qeyri-qanuni dövriyyəsini çox rahat şəkildə həyata keçirib. Biz faktlarla danışırıq, əsassız və sübutsuz danışmırıq. Torpaqlarımız İran və erməni narkobaronlarının əsas qazanc mənbələrindən birinə çevrilib. Bu halda bu əməli edənlər beynəlxalq məsuliyyət daşıyırlar”.

Politoloq Fərhad Məmmədov da deyir ki, İranın əsl simasi və niyyəti 44 günlük Vətən müharibəsində Azərbaycanın qazandığı Qələbədən sonra ortaya çıxdı:

“Bilirsiniz, işğal altında olan rayonlarımızın xarabalığa çevrilməsi Ermənistanla İranla hansı səviyyədə əlaqələrinin olduğunu ortaya çıxardı. İran işğal dövründə Qarabağda vətəndaşlarımıza məxsus yaşayış evlərindən tikinti materiallarını və digər əşyaları bu ölkəyə daşımağa başladı. İran Azərbaycanın işğal altında olan torpaqlarında narkotik bitkilərinin əkilməsindən, bəzi rayonlarda torpaqlarda əkin-biçin işlərinin aparılmasından, eləcədə meşələrin qırılmasından milyonlarla dollar qeyri-leqal gəlirlər əldə edib. Bir sözlə demək olar ki, İran tərəfinin bir vaxtlar torpaqlarımızdan əldə etdiyi qeyri-qanuni gəlirlər səbəbindən Azərbaycandan üzr istəmək əvəzinə, hazırda uydurma ittihamlarla çıxış etməsi yolverilməzdir”.

Qeyd edək ki, İranın ümummilikdə narko-ticarətlə məşğul olması təkzibolunmaz faktlarla sübuta yetirilib. Azərbaycan gömrükçüləri tərəfindən 2020-ci ilin noyabr ayından 2021-ci ilin oktyabr ayına qədər narkotik vasitələrin və psixotrop maddələrin qanunsuz dövriyyəsi ilə əlaqədar 46 fakt aşkar olunub. Bu faktlar üzrə ümumilikdə 1 ton 675 kq 418 qram narkotik və psixotrop maddələr qanunsuz dövriyyədən çıxarılıb.

Bəli, Azərbayan 44 günlük Vətən müharibəsində dostlarını da, düşmənlərini də bir daha yaxından tanıdı. Müsəlman həmrəyliyindən dəm vuran, dəfələrlə riyakarcasına ölkəmizin ərazi bütövlüyünü tanıdığını bəyan edən İran təəssüf ki, dost olmadığını göstərdi. Düşmənimizlə əməkdaşlıq edən, ölkəmizə qarşı hörmətsizlik edən, torpaqlarımızın talan olunmasında, narkotrafik kimi istifadə olunmasında iştirak edən bir ölkə heç vaxt dostumuz ola bilməz.

Paylaş:
163

Son xəbərlər

Dolların sabaha olan rəsmi məzənnəsi açıqlanıbBu gün, 18:01Şuşaya yeni sürət yolu çəkilir - AAYDA İdarə Heyəti sədrinin müaviniBu gün, 17:58“Bazel” - “Qarabağ” matçının hakimləri açıqlanıbBu gün, 17:56Tələbə krediti üçün müraciət edənlərin sayı açıqlanıbBu gün, 17:47Cavanşir Məmmədov: “Camaatdan pul yığılıb müğənnilərə verilsin!” - VİDEOBu gün, 17:42Azərbaycan-İran sərhədində atışma olub, bir nəfər zərərsizləşdirilibBu gün, 17:35İlham Əliyev “TOTAL Energies” şirkətinin kəşfiyyat və hasilat üzrə prezidentini qəbul edibBu gün, 17:28FHN müharibənin təhlükəli qalıqları ilə bağlı əhaliyə müraciət edibBu gün, 17:21Kəlbəcərdə yol qəzasında həlak olan hərbçilərdən birinə şəhid statusu verilibBu gün, 17:11Azərbaycanda koronavirusdan ölənlərin sayı 8000-i ötübBu gün, 17:06Buster doza üzrə vaksinasiya olunanların sayı 1 milyonu keçdiBu gün, 16:44Bu gün 1530 nəfər COVID-19-a yoluxub – STATİSTİKABu gün, 16:39Azərbaycan filmləri “Netflix”də yayımlanacaqBu gün, 16:37“YAŞAT” Fondunun birillik fəaliyyəti xalqımızın xeyirxahlıq, fədakarlıq və humanizm prinsiplərinə sadiqliyinin təsdiqidir - Vüqar RəhimzadəBu gün, 16:24Dövlət Sığorta Kommersiya Şirkətinə yeni sədr təyin edildi – SƏRƏNCAMBu gün, 16:04Prokuror Vüqar Səfərliyə cəza istədiBu gün, 16:00Yeni il bayramı ilə əlaqədar ardıcıl 5 gün iş olmayacaqBu gün, 15:45Taleh Ziyadov: Zəngəzur dəhlizinin işə salınması ilə Bakı limanında yük axımının artımı gözlənilirBu gün, 15:08Qəbələdə karantini pozan restoranın icarədarı və toy sahibi cərimələnib - FOTOBu gün, 15:02Bakıda çiskin olacaq, dağlıq ərazilərdə qar yağacaqBu gün, 14:46
Bütün xəbərlər

Next TV