Şahmar Mövsümov: “Pandemiya dünya iqtisadiyyatına dərin köklər salıb”
““COVİD-19” pandemiyası dünya iqtisadiyyatına böyük zərbə vurub və dərin köklər salıb”.
1news.az xəbər verir ki, bunu Prezidentin köməkçisi, Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov Qlobal Bakı Forumu çərçivəsində “Yeni dünya iqtisadiyyatı” mövzusunda keçirilən panel müzakirələri zamanı deyib.
O, bildirib ki, itkilər yalnız rəqəmlərlə ifadə olunmur.
“Pandemiya dövründə dünyada 52 milyon tələbə əziyyət çəkib. Hökümətlər çox halda qapanmalara getdi və bunun fəsadlarını görürük.
“Hazırda pandemiya dövrünün ortasınayıq” – deyə, nazir əlavə edib:
"Lakin biz enişli-yoxuşlu günlər keçiririk. Bu cür tendensiya davam etsə, 5 milyon insan ölə bilər. Biz birlikdə səylərimizi səfərbər etməklə pandemiyanın öhsindən gələ bilərik. Pandemiyadan mənfi fəsadlarla ötüşməyəcək. Bu gün 60-70 faiz peyvəndlənmə yalnız inkişaf etmiş ölkələrdədir. Elə ölkələr var ki, orada vaksinasiya 10 faizdən də aşağıdır. Cənab Prezident İlham Əliyev də bu gün çıxışında ədalətsiz vaksin bölgüsündən danışdı. Ədalətsiz vaksin bölgüsü aradan qalxmalıdır. Bu, bütün dünyaya mənfi təsir edir. Bütün səylərimizi səfərbər etməklə pandemiyanın öhdəsindən gələ bilərik. Azərbaycan pandemiya ilə mübarizədə şanslıdır, çünki biz pandemiyanın qarşısını almaq üçün vəsaitlər cəlb etmişdik. Maliyyə vəsaitləri əsasən Dövlət Neft Fondunda toplanmışdı”.
