Deputat: “İlham Əliyevin Türk Şurasının ən ali ordeni ilə mükafatlandırılması çox yerinə düşdü”
Bu gün Türkdilli Dövlətlərin Əməkdaşlıq Şurasının İstanbulda keçirilən VIII Zirvə görüşündə Türkiyə Prezidenti Rəcəb Tayyib Ərdoğan tərəfindən Azərbaycan Prezidenti İlham Əliyev Türk Dünyasının Ali Ordeni təltif edilib.
Türkdilli ölkələrin Dövlət Başçıları Şurasının Qərarı ilə Azərbaycan Respublikasının Prezidenti İlham Əliyev “Türk Dünyasının Ali Ordeni” ilə təltif edilib. Qərarı Türkiyə, Qazaxıstan, Qırğızıstan və Özbəkistan prezidentləri imzalayıblar.
Məsələ ilə bağlı 1news.az-a danışan Milli Məclisin deputatı Naqif Həmzəyev bildirib ki, Azərbaycanın Türk Şurasına sədrliyi zamanı Azərbaycan bu işin öhtəsindən çox uğurla gəldi.
O bildirb ki, Azərbaycan Prezidenti İlham Əliyev öz liderliyini sübut etdi.
“Türk dünyasının bir arada olması və ən çətin dövrdə pandemiya ilə mübarizədə birgə əməkdaşlıq etməsi, ən əsası da Qarabağ zəfərinin əldə olunması ilə Türk dünyasına yeni bir yol görsəndi. Azərbaycan Qarabağ Zəfəri ilə yanaşı Zəngəzur koridorunun açılması kimi çox vacib bir məsələnin həllinə nail olmaq üçün öz səylərini göstərib, üçtərəfli bəyanatda da bu müddəa öz əksinə tapıb. Ən qısa zamanda Zəngəzur dəhlizi açıqlacaq ki, bu da birbaşa olaraq Türk Dünyası, Türkdilli dövlət arasında əlaqəni təmin etmiş olacaq. Türkiyədən Azərbaycan və Xəzər dənizi vasitəsilə Orta Asiya dövlətləri bir araya gələcək. Əldə olunmuş bu zəfər həqiqətən də tək Azərbaycanı yox, bütün Türk dilində danışan dövlətlərin zəfəri, bayramı kimi qiymətləndirilməlidir. 44 günlük Vətən müharibəsinin gedişində də Türk Şurası Azərbaycana öz dəstəyini əsirgəməmiş və Azərbaycanı dəstəkləyən bəyanatlarla çıxış edib”.
N.Həmzəyev bildirib ki, Azərbaycan sədrliyi Türkiyəyə verir və məhz bu məqamda Türkiyə Prezidenti tərəfindən Azərbaycan Prezidentinin Türk Şurasının ən ali ordeni ilə mükafatlandırılması çox yerinə düşdü.
“Verilən mükafat çox önəmlidir. Bu mükafat bizim üçün bir qürür, fəxrdir. Sevinirik ki, cənab Prezidentin Türk Şurası üçün xidmətləri qiymətləndirildi. Cənab Prezident çıxışında qeyd etdi ki, bu, tək ona deyil, bütün Azərbaycan xalqına verilmiş bir mükafatdır. Mən düşünürəm ki, bu digər türkdilli ölkələr üçün motivasiya olacaq, digər türkdilli dövlətlərin liderləri bu həmrəyliyin daha da güclənməsi və möhkəmlənməsi üçün birgə səyləri artıracaqlar. Yaxın dövrdə biz və xüsusilə Türkiyənin sədrliyi Türk Şurasının daha da inkişaf edəcəyini və dövlətlər arasında gömrük, tranzit, siyasi və mədəni əlaqələrin daha da inkişaf edəcəyinə şahid olacaq”.
