Pakistan şirkətlərinin Qarabağdakı layihələrdə iştirakı barədə müzakirə aparılıb – FOTO

Azərbaycanın iqtisadiyyat naziri Mikayıl Cabbarovla Pakistanın müdafiə istehsalatı naziri xanım Zobaida Cəlal arasında görüş olub.

1news.az-ın verdiyi xəbərə görə, bu barədə Mikayıl Cabbarov rəsmi Twitter hesabına məlumat paylaşıb.

"Pakistan İslam Respublikasının müdafiə istehsalatı naziri xanım Zobaida Cəlalla ölkələrimiz arasında sənaye sahəsində əməkdaşlığın inkişafı perspektivləri, işğaldan azadedilmiş ərazilərimizdə həyata keçirilən layihələrdə Pakistan şirkətlərinin iştirakı barədə fikir mübadiləsi apardıq", - deyə nazir yazıb.