“Omicron”un bir xəstədən digərinə yoluxması bir neçə dəqiqə çəkir - Baş infeksionist
Ölkədə yeni növ koronavirus (COVID-19) infeksiyasına yoluxma sayı sürətlə artır. Bunun əsas səbəbi yaxın təmaslardır.
1news.az-ın verdiyi xəbərə görə, bu barədə Kliniki Tibbi Mərkəzin baş infeksionisti Fərrux Sədirov məlumat verib.
“Yoluxmaların artması xüsusilə “omicron” ştamı ilə əlaqəlidir. Bu ştamın bir xəstədən digərinə yoluxması bir neçə dəqiqə çəkir. Koronavirus, əsasən, hava-damcı yolu ilə yayılır. Ona görə də “omicron” ştamı ilə yoluxmamaq üçün yaxın təmasdan qaçmaq lazımdır.
Əgər hazırda 10 nəfərdən 9-u yeddi gündən sonra ətrafındakıları yoluxdurmursa, deməli təcrid müddətinin 7 günlük qəbul edilməsinin ciddi əsası var. Bəzi xəstələr isə xəstəliyin 10 və ya 15-ci gününə qədər ətrafdakıları yoluxdura bilər. Xəstənin şikayəti olmadıqda, virus 5 gündən sonra yoluxduruculuq xüsusiyyətini tamamilə itirir. Belə olan halda, xəstə cəmi 7 gün ərzində qorunmalıdır.
Hətta xəstənin şikayətləri davam edəndə də virusun 7 gündən sonra yoluxduruculuğu çox aşağı olur. Belə olduqda, çölə çıxmaq olar, ancaq insanlarla məsafəni saxlamaq və tibbi maska taxmaq vacibdir. Vətəndaşlara xüsusilə 7 gün qapanma məsləhət görülür, çünki bundan sonra virusun yoluxduruculuq xüsusiyyəti, demək olar ki, sıfıra yaxınlaşır”.
Mövzu ilə əlaqədar oxuyun:
Nazirlər Kabineti karantin rejimi ilə bağlı qərarlar qəbul edib
Azərbaycanda koronavirusa yoluxanların karantin müddəti azaldılır
İmmunitet sertifikatı test nəticəsindən 7 gün sonra veriləcək
Koronavirusa yoluxan təyyarə ekipajı ilə təmasda olan işçilər test verməyəcək
